Umsjónaraðili – búseta á stuðningsheimili

Suðurmiðstöð auglýsir eftir umhyggjusömum, traustum og jákvæðum einstaklingi til að búa á stuðningsheimili í Reykjavík sem umsjónaraðili.

Umsjónaraðili býr í íbúð ásamt fjórum ungmennum sem eru á aldrinum 17-23 ára, neyta ekki vímugjafa og stunda vinnu eða nám. Þau eiga það sameiginlegt að hafa ekki möguleika á að búa heima hjá forsjáraðilum eða hefja sjálfstæða búsetu. Markmiðið er að ungmennin öðlist sjálfstæði til að búa ein.

Helstu verkefni og ábyrgð

• Veita stuðning í daglegu lífi
• Vera til staðar þegar á þarf að halda
• Byggja upp jákvætt og gott andrúmsloft á heimilinu
• Stuðla að góðum samskiptum og tryggja að húsreglum sé fylgt
• Góð íslenskukunnátta B1 samkvæmt evrópska tungumálarammanum.

Leitað er eftir einstaklingi sem hefur reynslu af því að að halda heimili og hæfni í mannlegum samskiptum til að geta veitt ungmennunum stuðning í þeirra daglega lífi. Viðkomandi þarf að hafa hreint sakavottorð í samræmi við lög um félagsþjónustu. Samhliða búsetu á stuðningsheimilinu getur umsjónaraðili stundað dagvinnu eða verið í námi.

Samningur við umsjónaraðila er gerður til eins árs í senn og greitt er samkvæmt verktakasamningi.

Nánari upplýsingar veitir Elsa Guðrún Jóhannesdóttir, elsa.gudrun.johannesdottir@reykjavik.is